智慧黑板嘅互動功能已經成為現代課堂不可或缺嘅一部分，如今喺學校課室安裝互動屏幕已經係基本配置。若然想進一步提升學與教體驗，尤其是係特別室如 STEM 室、多用途活動室、語言學習空間等，就可以考慮安裝多部智慧黑板，靈活應用同步或分屏播放功能，滿足唔同教學場景嘅需求。

即刻睇下以下學校案例，了解多屏智慧黑板點樣令課堂更高效、更互動！
 

點解課室要安裝多部智慧黑板？

單一屏幕已經唔能夠完全應付現代教學需求，多屏智慧黑板可以喺教學、互動、展示上發揮更大效用：

• 教學流程更流暢：老師可以一邊展示教材，一邊開啟互動白板，學生即場練習答題，無需頻繁切換畫面。
• 照顧唔同座位學生視線：多部屏幕可同步顯示相同畫面，確保學生無論坐喺邊個位置都睇得清楚，提升專注度。
• 支援分組學習同協作：每塊屏幕可播放唔同內容，方便小組展示、作品分享或跨科協作，課堂更具彈性。
• 靈活配合空間條件：即使喺共享空間、長形課室等特殊環境，多屏設計都能靈活善用牆身空間。

案例 1：課室內多屏教學，教與學同步進行
 

傳統課堂模式下，老師要先講解教材，再轉換工具俾學生練習，流程斷開，互動感不足。裝設多部智慧黑板後，教學流程可以更順暢：

• 同步教材與練習

老師可以喺一塊智慧黑板打開教材講解內容，另一塊即時變成互動白板，學生可以上台答題或寫解題步驟。教學與練習同步進行，課堂節奏更順暢。

• 顧及全班視線

多部屏幕同步播放教材畫面，配合防反光設計，就算坐喺課室後排或側邊嘅學生都能睇得清楚，確保教學資訊傳達無死角。

• 學生共享作品，加強參與度

學生完成練習後，可以用無線投射功能即時將作品投射到智慧黑板，與全班一齊討論同交流，提升參與感同表達能力。

實例示範：有學校喺課室安裝 4 部智慧黑板，課堂除咗可以同步播放教材令全班學生都睇得清楚，仲可以分組進行展示活動，學生將作品即時投射上屏幕，老師逐一講評，令課堂互動大大提升。

案例 2：公共學習空間互動展示，學習場景更靈活

智慧黑板唔止適用於課室內，喺學校其他公共學習空間同樣能夠發揮作用。

• 多用途互動空間

有學校喺公共學習區域安裝兩部智慧黑板，老師可以一邊顯示活動流程、比賽規則，另一邊播放教材影片或作品展示。學生參與閱讀活動、專題研習或者創意比賽時，都能更投入學習過程。

• 彈性教學應用

多屏幕設計令老師可靈活切換用途，例如一邊用作講解，一邊開放俾學生即時輸入答案或繪圖，令互動學習更自然。

靈活擴充，滿足各種教學場景

• 加配多種配件：智慧黑板可選配側板、家課欄、鏡頭等，提供更多書寫空間或教學功能。
• 支援屏幕投射：學生可即時投射屏幕分享成果，提升互動與表達能力。
• 支援多屏配置：可根據課室大小與用途安裝兩部、4 部甚至更多智慧黑板，靈活配合課程設計。

Contex 一站式課室升級顯示方案

• 事前諮詢與場地評估：了解學校實際需要，度身設計最適合嘅多屏配置方案。
• 專業安裝服務：由上門睇位、度尺設計到安裝施工，全程由專業團隊處理。
• 現場教學與操作指導：確保老師快速上手，教學流程順利進行。
• 本地支援與保養服務：提供專業技術支援及維修保養，確保系統穩定可靠。

多屏智慧黑板唔只係設備升級，更係推動互動教學同學生參與嘅重要一步。無論係同步展示教材、實時互動練習、學生作品分享，定係延伸到其他學習空間應用，多屏設計都可以大大提升教學質素，打造更投入、更高效嘅課堂體驗。