依家越嚟越多學校選擇安裝 LED Wall 取代投影機，不但影像清晰鮮明，仲可以照顧唔同角度學生嘅視線。不過，唔係每間學校都有適合嘅位置安裝，牆身結構限制、畫面比例唔啱、甚至安全因素，都可能成為挑戰。
Contex針對每個校園環境提供度身訂造方案，靈活解決安裝難題，確保LED Wall喺安全、美觀、效果上都達到最佳表現。

案例一：牆身唔啱裝？加裝鐵架穩陣又實用

好多學校嘅禮堂、活動室或有蓋操場，牆面未必能直接掛牆安裝LED Wall，亦唔方便改動結構。

Contex團隊會按現場情況設計專屬鐵架方案，穩固承托LED Wall，同時確保安全穩定。

鐵架設計除咗安全之外，仲可以預留台後活動空間，方便老師或學生喺後台走動，兼顧實際用途同安全需要。呢個方案已經幫助多間學校成功喺有限空間內裝出理想效果。

案例二：畫面比例唔啱？訊號處理幫你還原真實畫面

有啲學校選擇喺空閒牆位安裝LED Wall，但因為比例唔係標準16:9，播片時畫面容易拉長或壓扁，甚至出現黑邊，影響觀賞效果。

Contex工程團隊會透過專業訊號處理技術，利用特製顯示控制器修正畫面比例，令顯示內容保持自然比例同清晰畫質。

另外，LED Wall仲支援多畫面分割功能，可以同時顯示唔同內容，例如校園宣傳片、頒獎禮資訊、活動時間表等，靈活配合學校日常需要。

點解學校揀Contex？

Contex提供一站式校園顯示方案，專業又貼心，深受教育機構信賴：

• 全程專業跟進：由上門睇位、度尺設計到安裝施工，一步到位，由專業工程團隊負責。
• 技術支援完善：根據實際播放需求設計顯示效果，確保畫面表現理想。
• 安全合規保障：所有安裝工程附有完整文件，符合香港安全及法規要求。
• 本地支援團隊：提供現場操作教學、維修保養同後續技術支援，貼地又可靠。
• 確保教學不中斷：提供後備模組及快速維修支援，即使個別模組需要維修，都可以即時替換，確保教學活動唔受影響，放心使用。

Contex明白每間校舍都有獨特結構同使用需求，我哋憑藉多年顯示工程經驗，為學校度身打造最合適嘅LED Wall方案。